Luke 4

Yesu Jaraba

1– 2Nsayi Yesu woi dna gni n zafu wa fa Urdun wa lo zhabui, aba n Shetan bei zhin wo jaraba nyi har anyipyeiyi shinyi to woi gyi nyaho m. Mikun kwa wo gun.

3Shetan wa ci wo ge, “ngye ho zhin Shekwoyi nugun nu, gna akuta ye ɓa ze buredi.”

4Yesu wa dnaɓo gbe ge, “A kadna lo n litafi a nya lo n mwa n anyi ye n ɓa du bredi lo n daraja.”

5Nsayi Shetan la wo wa wu Yesu anyi ye vinya n sai gmanyi. 6– 7Shetan wa ci wo ge, mi ɓa gaho abegyi ye vinya n ɓa darajai ɓe ntuge ɓa zhi emi nya nu, ndai n ha yashi ha gami mwa-mwa.

8Amma Yesu wa dna ʼɓo gbe ge, “A kadna n Littafi dole nu ya ga Shekwoyi mwa-mwa gmanyi.”

9– 10– 11 ▼

▼The text of verses 9-Luk 4:11 has been merged.

Nsayi Shetan wa lo n woi n Urushelima wa tuwo n aduwa nyakun ʼshe wa cige, “Ndai ho zhin Shekwoyi nugun nu, gye agnana zhi n ʼkni. Gama aka dna n litafi ge, Shekwoyi ɓa tnu n wo amalaika yi ɓa gni ho, n nabai to ha viya zhi n kni m.”

12Yesu wa ciwo ge, “Littafi kuda njesun, ‘To dna Shekwoyi oho Dagayi jaraba banza nya m.’ ”

13Sanu Shetan ɓei ku jaraba zo wo zhin wa fa Yesu, n sai fyewyi wa lo wo nya.

Yesu La Ya Wo Tnu-Inu

14Nsayi Yesu wa jeze lo Galili n nunu yi n Zafun yi. Nsai-sai aza ku wo laɓa. 15Zaho-zahoi wa ci Yesu ntu n wo waʼazi ɓo n aduwa nyakun.

16Sanu n wo ɓei ɓe Nazarat aba n wo ɓei mwa nyi, wa lo dna nɓa aduwa nyakun shi wo zhin wa shin aba n Shetan ɓei zhin wo jaraba nyi zhin. Wa laka gni ntuge wa ba littafi.

17– 18– 19 ▼

▼The text of verses 17-Luk 4:19 has been merged.

A gawo Anabi Ishaya Littafi. Wa guya n aba kwa ci ge, “Shekwoyi Zafun kpe lo n mi. Gama wola mi kni ntuge ma da nabari manayi. Wo la mi tnu ge ma ka aza gna, n ʼɓa bugba to nkala yi lo m. Wola mi tnu ma da ge ma ka aza gna, nʼɓa bugba to nkala yi lo m. Wola mi tnu ma da ge a ɓa lo a kurkuku da ya, ma gu awyebuayi awye ya. Aza nɓa filo n azado kalkashi kwa a kun baya njesun, ma da ge Shekwoyi la shiri zhin, wa tu zaho-zahoyi anabarka n ɓa ɓe owo aba.”

20Wa kun Littafi yi wa ga oza n wo ɓei gawo nyi, wa sase. Aza vinya kwa ɓa ku atnubua ya gawo. 21Nsayi wa cige, “Nnai ye aɓedaye ku nu.”

22Aza nɓa ɓo fi ɓo vinya ɓa daɓo, cei woɓa shi wo daɓo n wo. Ɓa ci ge Ashe Owo nu to zhin Yusufu nugun?

23Nsayi wa ciɓa ge kpekni fya gnami ɓeda yi konu nge “ngye gbisi kpe amishe shigbe ko zhin kohin.” Ko awyega ge, “Kni nu zhin ho ta zhin aɓo wowoyi n ho ayi ngye she ho ɓa zhin n Kafarnahum nyi ma? 24Amma ma cifye ge Anabi ho to lo n wo n mwa-mwa yi dna n wa ayi m. 25– 26Misali fye palo shi anabi Iliya ɓo zhin ɓo wowoyi, ntuge wa bma nyigbayi zhin n Zarefat nyi. Wo ɓo gmi n Zidom nu. Amma fye kpelo ge anyigbayi ɓo nyi n mwa, n ɓa ɓei ye bmazhin n mikun sayi, gama ato ɓei zhi ogma m har aye ngnu ata. Mikun kwa ku aza wan. Amma ato ɓei tnu n Iliya yi n ɓa aba m. 27Ko kwa zhin Elisha nubwo, n wo ɓei ka Naʼaman gna n wo kuturu nyasan nyi. Naʼaman ɓei gmi n Siria nu. Kni nu ɓei zhin to Elisha lo a Yahudawa ba nu ma?”

28Aɓedaye ɓa zhin ɓa, ɓa gyi minagyi. 29Nsayi aza kuka zhi n na bai, ɓa wan Yesu ɓa lo n woi n epe she, n na bai ɓo shewoya fi n bwo. 30Amma wa zan-zan dna nɓa tan-tasin wa fa ɓa zhi ɓo.

31Wa jeze lo Kafarʼnahum n Galili, woi zhin waʼazi ɓo n Satiwyi. 32N ya ce, aza zhin mamaki n aɓei nwo ɓo da. Gama wo ɓei da ɓo ngye oza nu n wo kpe gaiciya ye. Woto ɓo zhin woi cige wa kawo-wo nu m.

33N wyihoi woi dna n aduwa nyakun woi wu nya, ozaho n wo ɓei n alijenu fi, wa la woi yi Yesu woi ci ge, 34“Yesu Nazaratiyi, ho la ɓe ntuge ha gayi wahala. Suku-suku lo ho nya. Yita ye lo ya zhin nyaho n hoi m. Ai mi kpe ho ye lo. Oho nu zhin Shekwoyi Gyi-gyi-yi nugun.”

35Yesu wa zun wo ɓeda ya, wa ci alijenu yi ge, “La ce pi, gmiɓe.” Nsayi-sayi alijenu kwa she zayi ya zhi n kni, to kwa tu wo oci m Aza ɓei zhi n mwa ɓai gyeɓo.

36Ceʼa wo ɓa sosai har ɓa nyage, “Kni nu dna n zaye ɓeda har alijenu ɓai vi wo ɓo a?” 37Nabari yi kwa laɓa ngye gbe-gbe-na, har aku wo laɓa vinya.

38Sanu n wo ɓei fa aduwa nyakun n wyiyi, walo Siman Puwa. Nɓo, wa gye Siman yezhi dna n zezebi yi. Azaʼɓa Yesu ge wo ka wo gna.

39Sai Yesu wa daɓo n ze-zebi yi kawai, nsai-sai wa gwo kagna. Wa lakala wa zhin ɓa nyagyi ɓo.

40Nwyesheyi, Anyasan yi n ɓa ɓo fi n zhi yi nyi, ɓa kunɓe vinya. Azaho ai ɓe n ɓai. Ɓa ɓe Yesu aba, wa kpe ɓa bwa har ɓa ku lafiya bwa oɓa vinya. 41Azaho ɓei n alijenu yi fi, amma Yesu wa kun ɓa ya. Alijenu yi ɓei ci ge, “Ho zhin Shekwoyi ʼɓi nu.” Yesu kwa wa gnaɓa ge ɓa ku ce pi, ntuge ɓa ɓo kpe ge wo zhin Kristi nu.

42N labmi yi wa lo zhabui. Aza zan wo zanyi laɓa. Sanu n ɓa ɓei gye wo ɓa gyiwo wye n nabai to wa fa ɓa m. 43Amma wa ciɓa ge, “Ko zhin dole nu ma zhin waʼazi Nabari manayi ye nya n abado ce. Gama ce na zhin ma ɓe.” 44Ntu cenu wa zan-zan laɓa woi zhin waʼazi n aduwa nyakun n Yahudiya vinya.